සියළු සිදුවීම් මනඃකල්පිතය. මෙවැනි සිදුවීම් සිදුවීමට ආසන්නද, දැනටමත් සිදුවෙමින් පවතීද, කිසිදා සිදු නොවේද යන්න තීරණය කිරීම පාඨකයින් හට භාර කරමු. සිදුවෙමින් පවතී නම් ඒවා නැවත්වීමට වග බලා ගනිමු. අසල්වැසියාට අද සිදුවන දේ හෙට අපට සිදුවිය හැකි බව අමතක නොකරමු.
ඔබගේ මිතුරකු තම වාහනයෙන් ගමන් කරද්දී පාරේ වැරදි පසින් අධිවේගයෙන් ආ කළු පහැති මොන්ටෙරෝ රථයක හැපේ. මොන්ටෙරෝ රථයෙන් බසින පුදගලයාට මිතුරා බැණවදියි. එකවරම තවත් දෙදෙනකු රථයෙන් බැසවුත් මිතුරාව තම රථයෙන් එළියට ඇද පහරදෙති. අවට සිටින්නෝ එකවරම කිසිවක් නොදුටු සේ එතැනින් ඉවත්වයාමට පටන්ගනිති. මිතුරාට දැඩිලෙස තුවාල කරන මේ තිදෙනාගේ ප්රධානියා 'පුළුවන් දෙයක් කරාපිය' යයි කෑගසා මොන්ටෙරෝවේ නැඟී යන්නට යයි. අවට සිටින්නෝ පොලිසිය අමතන්නේ රථය නොපෙනී ගිය පසුය. පොලිසිය පැමිණේ. මොන්ටෙරෝවේ අංක තහඩුව ලබාදීම තබා සිදුවීම පිළිබඳව සාක්ෂි දීමට පවා ඇසින් දුටුවෝ බිය වෙති. 'සාක්කි නැතිව අපිට කරන්න දෙයක් නැහැ. තුවාලකාරයා ඉස්පිරිතාලෙ ගෙනියන්න' යැයි කියන පොලිසිය පිටත්වයයි. සති ගණනක් රෝහලේ ගතකිරීමට සිදුවන ඔබේ මිතුරාට නීතියෙන් හෝ රජයෙන් කිසිදු සරණක් නොලැබේ.
No comments:
Post a Comment