ශ්රී ලංකාව වෙනස්විය යුතු බව බොහෝ දෙනා පිළිගනිති. එහෙත් එය නීති පොත් වෙනස් කිරීමෙන් හෝ ව්යවස්ථා වෙනස් කිරීමෙන් හෝ කල හැකිද? ශ්රී ලංකාව වෙනස් වීමට නම් සිදුවිය යුත්තේ එක් දෙයක් පමණකි: එනම් ශ්රී ලාංකිකයින් වෙනස්විය යුතුය.
රට විනාශ මුඛයට ගෙනයාම පිළිබඳව අපි දේශපාලඥයින් හට බැණවදිමු. එහෙත් දේශපාලඥයින් පත්කරන්නේ අපිය; ඔවුන්ගේ ක්රියාකලාපයන් දකිමින් ඔවුන්ට ඡන්දය දෙන්නේ අපිය. 'සෑම රටකටම ලැබෙන්නේ එරට ජනයාට ඔබින දේශපාලඥයින් මිස වෙනකකු නොවේ' යැයි කථාවක් ඇත. එය සත්යය. සත්ය පවසන්නන් හා උගතුන් පසෙක තබා කෑගසන්නන් හා නොමිලයේ නොයෙක් දේ පොරොන්දු වෙන්නන් හට ඡන්දය දෙන්නේ අපිය.
අප වෙනස් නොවන තුරු මෙය වෙනස් නොවේ. එකම දේ නැවත නැවත කළහොත් ලැබෙන්නේ එකම ප්රතිඵලය බව කිවයුතු නොවේ. වෙනස් ප්රතිඵලයක් අවශ්ය නම් ක්රියා කලාපය වෙනස් කල යුතුය. ඒ සඳහා ආකල්ප වෙනස් කල යුතුය. එනම් ආකල්ප වෙනස් කිරීමට අකමැති උදවිය යථා තත්වය විවේචනය නොකළ යුතුය.
අපි වෙනස් වීමට උත්සාහ දරමු. එනම් අප එල්බ ගෙන සිටින ආකල්ප ප්රශ්න කරමු. විරුද්ධ මත, වෙනස් මත, විමසා බැලීමට බිය නොවෙමු.
* මෙම වෙබ් අඩවියේ ඇති සියළු ලිපි විකෘති කිරීමන් තොරව පිටපත් කිරීමේ හා බෙදාහැරීමේ අයිතිය ලේඛකයා ඔබට ලබාදෙයි.
* ඔබේ අදහස්: විනීතව හා තර්ක්යානුකූලව ඉදිරිපත් කරන සියළු පාඨක අදහස් මෙහි දර්ශනය කෙරේ.
If you cannot read this, install Sinhala Unicode support from:
http://siyabas.lk/sinhala_how_to_install.html
Dec 31, 2009
Subscribe to:
Post Comments (Atom)
No comments:
Post a Comment